السلام عليكم ورحمة الله وبركاته
قصيدة مرت عليه لأحد الشعرا وعيبتني وحبيت ألقيها
يقول شاعرها
×?°ياروح روحي غيبتك طولـت حيـل
عساك ما انت لصادق العهد بايـق
واهل المحبـه صادقيـن الاقاويـل
تحفـظ لتوثيـق المحبـه وثايـق
ودي بشوفك شفـت بعـد بهاذيـل
لكن البلا بالـدرب دونـك عوايـق
وحب العذارا ناقضـات المجاديـل
يحرق قلوب اهل القلوب العشايـق
سيفه يطـوع ناطحيـن المقابيـل
لقلوبهم مع ساحت الحـب سايـق
اللي لهم هيبـه تخيـف الرجاجيـل
ويزبن عليهم كل مبلـي وضايـق
من حب منهم لابسـات الخلاخيـل
باله ماهو في كل الاوقـات رايـق
خصٍ بعد نـوم المخاليـق بالليـل
تشب في صدره لهيـب الحرايـق
ويا بنت ياللي لك على البيض تنفيل
وزينك على زين الغناديـر فايـق
ابنشـدك وابـي مـرك بتعجـيـل
وطالبك انا بالـرد قـول الحقايـق
كان الغلا محفوظ لو طـول الطيـل
للصبر عند النـاس عـدة طرايـق
اصبر يذكربـه مـن الله تساهيـل
من اللي عليماً في نوايـا الخلايـق
وانكان حبك بـه دعايـه وتمثيـل
وعلومكم صارت كـذوب ولفايـق
الكذب عيـب ولابقولـه محاصيـل
والنقع مايشبـه بحـوراً عمايـق
والنفس ماتقبل مهونـه وتفشيـل
ولاني من اللـي للمقفـي لحايـق
ولارسل وراهم بالعلـوم المراسيـل
ولازينهم للعيـن والقلـب شايـق ×?°
الشاعر : سميحان السويدي
موضوع: ياروح روحي غيبتك طولـت حيـل 
